Uppsagnir: Neikvæð áhrif og stuðningur við starfsfólk

Á Dokkufundinum verður fjallað um uppsagnir og þær áhrifaríku afleiðingar sem þær geta haft, bæði fyrir þau sem láta af störfum og þau sem halda áfram. Við fáum innsýn í hvað ber að hafa í huga til að draga úr neikvæðum áhrifum og styðja starfsfólk og vinnustaðinn í gegnum tímabil breytinga á heilbrigðan og virðingarfullan hátt.

Hver verður með okkur?

Hilja Guðmunds, meðeigandi og ráðgjafi hjá Mental ráðgjöf. Hún brennur fyrir því að gera okkur meðvituð, mannleg og næm í samskiptum – allt frá ráðningu til starfsloka.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.