Virðing á vinnustað – skiptir hún raunverulega máli?

Virðing á vinnustað er bæði lykilþáttur í heilbrigðu starfsumhverfi en mótar líka ímynd fyrirtækisins út á við.

En hvaða áhrif hefur virðing eða skortur á henni á líðan starfsfólks, starfsánægju, veikindafjarvistir og árangur ?

Fyrirlesturinn er settur upp út frá reynslu fyrirlesara sem stjórnanda og starfsmanns á gólfinu en með stuðningi við rannsóknir á þessum þætti. 

Hver verður með okkur?
Sólrún Erla Gunnarsdóttir. Hún útskrifaðist sem félagsráðgjafi frá Háskóla Íslands 2004 og með diplomu í öldrunarþjónustu frá HÍ 2024. Hún lagði áherslu á lausnamiðaða nálgun (solution focused therapy) í starfsnáminu eftir útskrift og aðhyllist þá hugmyndafræði í sínum störfum.

Sólrún á að baki langa starfsreynslu úr öldrunarmálum sem stjórnandi og ráðgjafi. Hún starfar í dag sem félagsráðgjafi hjá Heilbrigðisstofnun Suðurlands í Vestmannaeyjum og hjá Lífsgæðasetrinu Veru, www.veralif.is, ásamt því að sinna verkefnum tengdum Aldur er bara tala.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.