Á þessum Dokkufundi munt þú:

• Fá nasaþefinn af því hvernig þú getur hannað líf þitt í vinnunni

• Læra aðferðir sem þú getur nýtt þér samdægurs til að hafa það skemmtilegra í vinnunni

Fyrir hvern?

• Þig ef þér finnst ekki nógu gaman í vinnunni en ætlar samt ekki að skipta um starf.
• Þig ef þú ert stjórnandi og grunar að það sé við það að slökkna á sumum starfsmanna þinna og þú vilt fá hugmyndir um hvernig hægt er að blása í glæðurnar.
• Þig ef þér finnst dauft yfir einhverjum þér nákomnum og grunar að að ástæðan sé vinnuleiði.

Hver?

Ragnhildur Vigfúsdóttir, Certified Desiging Your Live Coach og PCC vottaður markþjálfi frá International Coaching Federation.

Skilaboð frá Ragnhildi:

„Ég hef verið í nokkrum draumastörfum, en ég hef líka verið í vinnu þar sem tíminn var mjög lengi að líða. Sem markþjálfi vinn ég oft með fólki sem leiðist í vinnunni. Sumir vilja blása í glæðurnar, aðrir vilja brenna brúna jafnvel þó það sé ekki önnur vinna í augsýn – og nokkrir ákveða að þrauka og þreyja þangað til þeir fara á eftirlaun. Það finnst mér satt að segja versti kosturinn – bæði fyrir einstaklinginn og fyrirtækið. Vinnan getur nefnilega verið mesti gleðigjafinn og því mikið í húfi að endurheimta gleðina. Rannsóknir sýna að starfsánægja tengist afköstum og því er mikið í húfi fyrir fyrirtæki“.

Misstir þú af fundinum?

Skráðu þig á Dokkufundinn á hefðbundinn hátt og þú færð sendan tengil á upptöku frá fundinum.
Mikilvægt: Ef þú hefur áður skráð þig á fundinn þá þarftu að afskrá þig af fundinum – en það er einfalt – þú smellir á „Skrá mig af þessum fundi“ hér fyrir neðan skráningarformið og skráir þig svo aftur – þá færðu staðfestingarpóst með tengli á upptökuna.