Aðferðir og verkfæri verkefnastjórnunar
Námskeiðið gæti skilað þér lengra og hjálpað þér með hefðbundin verkefni.
Þú lærir:
Að að þekkja grunnhugtök verkefnastjórnunar og getur strax að loknu námskeiði nýtt þér verkfæri verkefnisstjórnunar við undirbúning, stýringu og lúkningu verkefna.
Námskeiðið er fyrir:
- Þá sem hafa áhuga á að kynna sér verkefnastjórnun
- Þá sem vilja rifja upp grunnatriði verkefnastjórnunar
- Þá sem eru að stýra verkefnum og hafa áhuga á bæta í verkfærakistuna sína
- Þá sem hafa áhuga á að nýta tímann sinn betur með því að beita aðferðum verkefnastjórnunar
Leiðbeinandi
Laufey Ása Bjarnadóttir
Laufey Ása Bjarnadóttir er verkefnastjóri hjá Íslandsbanka. Hún er tölvunarfræðingur frá HÍ og MBA gráðu frá Rennsealer Polytechnic Institute í USA. Laufey hefur um árabil starfað við verkefnastjórnun og komið að fjölbreyttum verkefnum á því tímabili. Hún hefur kennt verkefnastjórnun frá árinu 2000 í ýmsum fyrirtækjum og stofnunum og í MBA námi HÍ.
Hvenær?
10. október 2024, kl. 13.00 – 16.00
Á vefnum á Teams
Af hverju þetta námskeið
Verkefni eru allt í kringum okkur bæði í vinnu og einkalífi. Okkur gengur misvel að skipuleggja verkefni og fylgja þeim eftir. Til eru ýmis verkfæri til að hjálpa okkur að afmarka verkefni, skipuleggja þau og fylgjast með framvindu þeirra. Notkun þessara verkfæra hjálpar okkur að nálgast verkefni á agaðan hátt og vinna faglega að verkefnastýringu. Markviss notkun verkefnastjórnunar hjálpar til við að velja réttu verkefnin, fylgja þeim eftir og stuðlar að markvissari nýtingu fjármagns.
Um námskeiðið
Námskeiðið er stutt og hagnýtt námskeið um grunnþætti verkefnastjórnunar. Horft er til þess að námskeiði loknu þá hafi nemendur öðlast skilning á eftirfarandi þáttum í grunnaðferðum verkefnastjórnunar:
- Einkennum verkefna og lífsferli þeirra
- Undirbúningi og ræsingu verkefna
- Gerð verkefnislýsinga sem tekur m.a. á
- Markmiðasetningu
- Áætlanagerð í verkefnum fyrir tíma-, kostnaðar- og samskiptaáætlanir
- Greiningu áhættu og hagsmunaaðila
- Þekkingu á hagnýtum aðferðum við framvindustjórnun verkefna
- Lúkningu verkefna og mat á árangri
Unnið verður með hagnýtar æfingar og raunveruleg verkefni.
Markmið námskeiðsins
Þátttakendur skilji grunnhugtök verkefnastjórnunar og geti strax að loknu námskeiði nýtt sér verkfæri verkefnisstjórnunar við undirbúning, stýringu og lúkningu verkefna.
Verð
Almennt verð er kr. 35.100 EN fyrir starfsmenn aðildarfyrirtækja Dokkunnar kr. 28.000 – OG – ef keypt eru 2 sæti eða fleiri er veittur sérstakur 10% afsláttur og er verðið þá kr. 25.300 fyrir hvert sæti til starfsmanna aðildarfyrirtæka og kr. 31.600 til annarra.
Hvar?
Í beinni á Teams – þú færð sendan tengil á námskeiðið ca. 30 mín. áður en það hefst.
Til að fá örugglega sendan tengil er best að skrá sig á námskeiðið í síðasta lagi einni klukkustund áður en það hefst.
Nokkrar umsagnir um námskeiðið
- Flott tæki og tól til að takast á við verkefnastjórnun
- Lærði að nýta hugtökin betur, afmarka verkefnin betur, setja skýran ramma og halda mig við hann
- Námskeiðið hjálpaði mér að bakka og sjá stóru myndina „að komast upp í þyrluna“
- Hnitmiðað og flott námskeið
- Hnitmiðað og sett fram af reynslu
- Miklu komið til skila á skömmum tíma, sem kveikir í manni löngun til að læra meira.