Að næra delluna sína – í flæði

Í hverju gleymdir þú þér sem barn? Hvað veitir þér ánægju í dag? 
,,Dellur“ hafa stundum fengið neikvætt hlaðna merkingu í daglegu tali en í ,,dellum“ felast heilmikil lífsgæði.

Á þessum Dokkufundi verður fjallað um nærandi athafnir í leik og starfi og hvernig þær hafa jákvæð áhrif á heilsu, vellíðan, endurheimt og streitulosun.

Hvað eru nærandi athafnir fyrir þér? Hvar birtast þær í vinnu? Áhugamálum? Heimilisstörfum? Nærandi athafnir geta falist í einhverju sem hefur fylgt okkur í gegnum lífið en þær geta líka birst í nýrri iðju og nýjum áhugamálum. Afhverju fóru allir að baka súrdeigsbrauð? Hvar gleymir þú þér í flæði?

Fjallað er  um styrkleika, flæðiskenningu Mihaly Csikszentmihalyi (flow theory), tengsl og fleiri áhrifamikla grunnþætti lífsgæða sem hafa áhrif á jákvæða heilsu í lífi og starfi.

Hver verður með okkur?
Ingibjörg Valgeirsdóttir hjá Saga Story House.
Ingibjörg hefur MBA, MA-diplóma í jákvæðri sálfræði og BA-uppeldis- og menntunarfræði.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.