Vistferilsgreining: Hvað felst í slíkri greiningu og hvernig stuðlar hún að aukinni sjálfbærni?

Vistferilsgreining (e. Life Cycle Assessment, LCA) er aðferð sem notuð er til að meta umhverfisáhrif vöru og þjónustu yfir allan vistferil þeirra.

Á Dokkufundinum verður farið yfir meginatriði vistferilsgreininga, hvernig þær sýna hvar helstu umhverfisáhrifin eiga sér stað og hvernig þær nýtast til að stuðla að sjálfbærni verkefna, vöru og þjónustu.

Hver verður með okkur?

Ása Rut Benediktsdóttir, sérfræðingur á umhverfis- og samfélagssviði Eflu verkfræðistofu.

Ása er með M.Sc. í efnaverkfræði og á fagsviði hennar eru vistferilsgreiningar fyrir mannvirki og vörur, auk umhverfisyfirlýsinga (EPD). Hún hefur mikla reynslu af gerð vistferilsgreininga og hefur komið að fjölda greininga í byggingargeiranum og iðnaði.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.