Nýtt ár, ný tækifæri – eða verður þetta sama gamla tuggan?

Settir þú þér áramótaheit en ert þegar búin að brjóta þau?

Þá ertu ekki ein(n) því rannsóknir sýna að við erum flest búin að gleyma þeim á áttunda degi.

Ekki örvænta því góðu fréttirnar eru þær að það er aldrei of seint að hanna gott líf – en það er það sem flest áramótaheit ganga jú út á.

Á þessum Dokkufundi fáum við að heyra um aðferðir sem hafa gagnast fjölda fólks við að hanna betra líf. Hugmyndirnar eru sprottnar úr Design Thinking því breytingar krefjast hönnunarferils, til að átta sig á því hvað við viljum og hvernig við náum því. Þessi aðgerð gagnast fólki á öllum aldri sem veltir því fyrir sér hvað skuli gera næst, hvað það langi til að gera og hvað það geti gert.

Hver verður með okkur?
Ragnhildur Vigfúsdóttir, viðurkenndur Design Your Life Coach.

Hún er með kennsluréttindi frá HÍ, diplóma í starfsmannastjórnun (EHÍ), gráðu í markþjálfun, með PCC vottun frá International Coaching Federation og vottaður teymismarkþjálfi frá Team Coaching International.

Hún er einnig með diplómu í jákvæðri sálfræði frá EHÍ, Certified Dare to Lead™ Facilitator, Certified Daring Way™ Facilitator og eins og áður sagði, Certified Designing Your Life Coach.

Að auki er hún með réttindi til að leggja fyrir Strengths Profile styrkleikagreiningu fyrir einstaklinga og teymi og er Five Behaviors of a Cohesive Team™ Facilitator og því þjálfuð í að nýta efni frá Lencioni til að byggja upp teymi.

Á þessum Dokkufundi tengist umfjöllunarefnið hæfniflokknum Sjálfsforysta.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.