Geta þínir við­skipta­vinir komið í við­skipti raf­rænt?

Við vitum að fyrirtæki fá aðeins eitt tækifæri til að skapa fyrstu upplifun tilvonandi viðskiptavina.

Hugur okkar er þrautþjálfaður í að greina aðstæður og einstaklinga á sekúndubroti, draga ályktanir og taka ákvörðun. Spurningar sem vakna hjá viðskiptavinum við fyrstu upplifun eru mikilvægar til að tilvonandi viðskiptavinur geti tekið ákvörðun hratt.

Til að koma í viðskipti í dag er algengt að viðskiptavinir þurfi að senda tölvupóst eða fylla út form sem kalla í kjölfarið á frekari tölvupóstsamskipti, símtöl, undirskriftir á skjölum og jafnvel bílferðir með frumrit af samningum. Slíkt ferli er ekki bara slæm upplifun fyrir viðskiptavini og óöruggt, heldur eykur ferlið líkurnar umtalsvert á að tilvonandi viðskiptavinir fresti að koma í viðskipti – eða jafnvel hætti við.

Á Dokkufundinum verður farið yfir hvað við getum gert til að fjarlægja þessar hindranir og gera ferlið þægilegt og skilvirkt, bæði fyrir viðskiptavininn og ekki síður fyrirtækin.

Hver verður með okkur?
Björt Baldvinsdóttir, customer success manager hjá hugbúnaðarfyrirtækinu Taktikal.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.