Fjármálin: Að safna eða greiða upp / inná húsnæðislánið

Mörg okkar velta því fyrir sér hvort sé hagstæðara að leggja sparnaðinn inn á sparnaðarreikning í banka eða jafnvel greiða hann inn á húsnæðislánið.

Á Dokkufundinum leitum við svara við þessari spurningu og fleirum sem tengjast fjármálunum okkar. Þau sem verða með okkur eru sérfræðingar frá Aurbjörgu en Aurbjörg er fjártæknivefur sem hjálpar þér með fjármál heimilisins og markmiðið er einnig að auka fjármálalæsi, auka gagnsæi og aðstoða neytendur við ákvarðanir tengdar fjármálum.

Hver verður með okkur?
Jón Snæbjörnsson, sérfræðingur frá Aurbjörgu mætir og tekur bæði dæmi af sparnaði og lánagreiðslum.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.