Áskoranir í aðfangakeðju og þjónustuvegferð Distica

Það hefur mikið gengið á hjá Distica síðustu tvo árin en eins og margir vita var Distica valið af heilbrigðisyfirvöldum til að sjá um innflutning og dreifingu á Covid bóluefnum. Fyrir þann tíma vissu fáir hvað Distica var.

Á Dokkufundinum ætlar Júlía Rós, framkvæmdastjóri Distica, að fara yfir áskoranir í tengslum við aðfangakeðju fyrirtækisins á tímum Covid – en skyndilega voru engin flug og lyfjanotkun innanlands breyttist mikið t.d minnkaði notkun sýklalyfja almennt vegna samkomutakmarkana og fl. 

Á sama tíma ákvað Distica að fara í vegferð á sviði þjónustuferla fyrirtækisins og mun Júlía einnig deila þeirri vegferð með okkur og þeim árangri sem náðist.

Hver verður með okkur?
Júlía Rós Atladóttir, framkvæmdastjóri.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.