Að skapa skilyrði og menningu þar sem fólk getur unnið sem best saman við stöðugan lærdóm og betrumbætur

Allflest fyrirtæki og skipulagsheildir eru að kljást við krefjandi kringumstæður og vandamál í dag.

Viðskiptaumhverfi hefur á síðastliðnum 1-2 áratugum hratt þróast frá því að byggja á vissum fyrirsjáanleika þar sem langtíma skipulag skilaði góðum árangri; yfir í flóknari og flæktari aðstæður þar sem augljós svör og lausnir eru undantekningin frekar en reglan.Síðustu 4-5 ár hafa sérstaklega kennt okkur þessa lexíu.

Þegar langtímaplön hætta að virka og einfaldar og augljósar lausnir duga ekki til að leysa vandamál og áskoranir… hvað er þá til ráða? Í stuttu máli þurfum við að öðlast aukna lipurð og aðlögunarfærni.

Á Dokkufundinum verður meðal annars farið í gegnum:

• Muninn á einföldum vs. flóknum vs. “óþekkum” vandamálum
• Nálganir og prinsipp sem virka vel á þessar ólíku tegundir áskorana
• Hvernig við getum byrjað með uppgötvunarferli (Discovery) í stað þess að mæta til leiks með staðlaðar lausnir

Hver verða með okkur?
Ingsa og Helgi, sem eru stofnendur Orgz og sérhæfa sig í að hjálpa stjórnendum og teymum þjálfa upp og tileinka sér akkúrat þá getu og færni.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.