Sjálfsvitund stjórnenda og áhrif hennar á tilfinningalíf starfsmanna

Sjálfsvitund stjórnenda er mun mikilvægari en oft hefur verið talið. Flestir telja sig hafa sjálfsvitund en raunin er sú að það hafa hana ekki margir. Stjórnendur sem hafa áhuga á því að efla sjálfsvitund sína hafa hins vegar mikil áhrif til hins betra á tilfinningalíf starfsmanna sem skilar sér í því að þeir vera ánægðari á vinnustað.
Í fyrirlestrinum verður farið yfir sjálfsvitund og hvers vegna hún er mikilvæg stjórnendum og vinnustöðum – og auðvitað öllum sem vilja auka skilning sinn á sjálfum sér og öðrum.

Hver verður með okkur?
Sólveig Ragnarsdóttir, lögfræðingur og MSc.
Í meistaranámi sínu lagði Sólveig sérstaka áherslu á mannauðs- og stjórnendafræði sem leiddu til skrifa hennar um sjálfsvitund stjórnenda.
Í dag starfar Sólveig sem deildarstjóri á skrifstofu forstjóra hjá Lyfjastofnun.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.