Lifðu vel og lengi. En hvernig?

Í dag eru fimm ár síðan Guðjón Svansson og fjölskylda hans fóru í tæplega hálfs árs ferðalag um bláu svæðin (Blue Zones) til þess að kynna sér langlífi og góða heilsu en Bláu svæðin eru einmitt þau svæði í heiminum þar sem fólk lifir lengst við góða heilsu.

Eftir ferðalagið skrifuðu þau bókina „Lifðu!“ og fjalla í henni um langlífisleyndardóma bláu svæðanna.

Á Dokkufundinum verður gefin innsýn í það sem þessi svæði eiga sameiginlegt, hvað aðrir geta lært af þeim og hverju, ef einhverju, íslenska fjölskyldan hefur breytt í sínum lifnaðarháttum á þeim tíma sem liðinn er frá ferðalaginu.

Hver verður með okkur?
Guðjón Svansson, ráðgjafi, liðsheildarþjálfari og fyrirlesari hjá Njóttu ferðalagsins.

Guðjón hefur komið víða við í atvinnulífinu, leitt viðskiptasendinefndir út um allan heim, verið hluti af viðbragsteymi Almannavarna og þjálfað stjórnendur.

Undanfarið hefur Guðjón einbeitt sér að liðsheildarvinnu í atvinnulífinu og hjá íþróttafélagi heimabæjar síns.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.