Píetafræðslan og sjálfsvígsforvarnir, hjálpleg bjargráð og viðvörunarmerki

Undanfarin ár hefur verið mikil vitundarvakning í samfélaginu varðandi geðheilbrigði og sjálfsvígsforvarnir. Það þykir eðlilegra að ræða geðrænan vanda í dag heldur en hér áður fyrr og félagasamtök sem sinna geðrækt verða sífellt sýnilegri. Píeta samtökin eru sjálfsvígsforvarnarsamtök sem sinna fólki í sjálfsvígshugleiðingum, sjálfsskaða og aðstandendum þeirra. Árlega látast að jafnaði 39 manns á Íslandi af völdum sjálfsvíga.

Á Dokkufundinum fáum við innsýn í hver Píeta samtökin eru, hugmyndafræði samtakanna, hvernig meðferðinni er háttað og mikilvægi sjálfsvígsforvarna. Einnig verður farið yfir mikilvægi sjálfsvígsforvarna, hjálpleg bjargráð og viðvörunarmerki.

Hvar verður með okkur?
Gunnhildur Ólafsdóttir, sálfræðingur og fagstjóri hjá Píeta samtökunum og
Einar Hrafn Stefánsson, markaðs- og kynningarstjóri hjá Píeta samtökunum

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.