Hver á vörumerkið? Samspil vörumerkis, mannauðs og menningar

Á Dokkufundinum verður fjallað um mikilvægt samspil vörumerkis, mannauðs og menningar.

Vörumerkjastjórnun snýst meðal annars um arðsemi og þess vegna skiptir uppbygging vörumerkisins öllu máli ef ná á langtíma árangri í rekstri, enda endurspeglast virði fyrirtækis á endanum í virði vörumerkisins.

Sterkt vörumerki hefur áhrif á allt fyrirtækið, það má því spyrja sig hver það er innan fyrirtækisins sem á vörumerkið, er það forstjórinn, markaðsstjórinn eða mannauðsstjórinn? Í þessu samhengi er mikilvægt að stjórnendur geri sér grein fyrir samspili vörumerkis, mannauðs og menningar.

Hver verður með okkur?

Íris Mjöll Gylfadóttir, framkvæmdastjóri Brandr.

Íris er með MBA frá HR og hefur yfir 15 ára reynslu af stjórnun og stýringu flókinna verkefna fyrir mismunandi fyrirtæki og hefur þannig öðlast færni í að greina og endurskipuleggja viðskiptaferla ólíkra fyrirtækja.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.