Starfs- og þekkingarþróun í ljósi nýrra tækifæra og krafna

Sérfræðingar, alþjóðleg efnahagsráð og ráðgjafafyrirtæki víðsvegar um heiminn leggja sitt að mörkum við að greina, meta og skrá mögulega framtíðarhæfni starfsfólks á vinnumarkaði. Staðreyndin er sú að framtíðin er núna. Breytingar á tækni, og aðrar kröfur á vinnumarkaði, sem skapa ný tækifæri, eru til staðar í núinu og okkar áskorun sem starfsfólk er að horfast í augu við þær. Jafnramt að kanna með hvaða hætti við getum tileinkað okkur þessa breyttu starfshætti, nálganir og nýjungar í eigin starfi. Ljóst er að leiðirnar eru margar og sum ráð betri og hentugri en önnur.

Einhvers staðar verður þó að staldra við og hvar er þá best að byrja?

Hver verður með okkur?
Selma Kristjánsdóttir, fagstjóri starfsmenntamála hjá VR og framkvæmdastjóri Starfsmenntasjóðs verslunar- og skrifstofufólks.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.