Sjálfbærnivegferð Landsbankans

Á Dokkufundinum fáum við innsýn í sjálfbærnivegferð Landsbankans, hvernig málaflokkurinn hefur þróast innan bankans, hver eru aðaláhersluatriðin og hvað er framundan með auknu regluverki. Einnig fáum við skyggnast inn í hvernig málaflokknum er stýrt í bankanum og hvers vegna bankar gegna lykilhlutverki við að ná markmiðum um samdrátt í losun gróðurhúsalofttegunda sem þurfa að nást til að stemma stigu við loftslagsbreytingum og afleiðingum þeirra.

Hver verður með okkur?

Aðalheiður Snæbjarnardóttir, forstöðumaður Sjálfbærni hjá Landsbankanum.

Aðalheiður hefur starfað í sjálfbærnimálum frá 2012, fyrstu árin meðfram öðrum störfum og í Landsbankanum frá 2019. Hún er með meistaragráðu í markaðsfræði og alþjóðaviðskiptum frá HÍ, BSc í viðskiptafræði frá HR og sveinspróf í klæðskurði og kjólasaum. Áhugi á sjálfbærnimálum kviknaði fyrir alvöru þegar ég starfaði ennþá í fataiðnaði enda er það einn alversti iðnaðurinn fyrir jörðina.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.