Sjálfbærnivegferð Creditinfo: Frá núllpunkti til skýrrar stefnu

Á Dokkufundinum verður farið yfir sögu Creditinfo í sjálfbærnimálum.

Á hagnýtum nótum fer Reynir yfir ferlið frá því að félagið hafði ekki stefnu í málaflokknum yfir í að vera hátt metin af greiningaraðilum og hafa sérstakt vöruframboð á mörgum mörkuðum tengt sjálfbærni.

Hvaða áskorunum og vörðum mætti Reynir og teymi Creditinfo á þessari vegferð og hvernig er framtíðarsýn félagsins á þeim fjölmörgu mörkuðum sem félagið starfar á?

Hver verður með okkur?

Reynir Smári Atlason – Forstöðumaður sjálfbærnimála Creditinfo Group.

Reynir Smári leiðir vöruþróun, upplýsingagjöf og stefnumótun sjálfbærnimála bæði hérlendis og á öðrum mörkuðum Creditinfo. 

Hann starfaði sem Lektor við verkfræðideild háskólans í Suður-Danmörku (SDU) áður en hann var ráðinn sérfræðingur hjá Landsbankanum í sjálfbærni.

Hann var einnig einn af stofnendum Circular Solutions.

Reynir Smári er með Ph.D. og MSc. í umhverfis- og auðlindafræði frá HÍ.
Hann sat um þriggja ára skeið í stjórn IcelandSIF og situr nú í stjórn Festu – miðstöðvar um sjálfbærni.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.