Sérfræðingurinn og verkefnastjórinn – hver er munurinn?

Fundurinn er haldinn í samstarfi við Verkefnastjórnunarfélag Íslands

Á Dokkufundinum verður aðeins farið í saumana á því, að það að vera besti sérfræðingurinn er ekki það sama og vera besti verkefnastjórinn fyrir verkefnið. Oft eru þessir sérfræðingar komnir í hlutverk verkefnastjóra og sitja því beggja vegna borðsins í verkefnum sem þeir stýra, þetta getur skapað ákveðin vandamál og áskoranir. Hvernig tökumst við á við þessa áskorun þarf að gerast út frá hagsmunum verkefnisins en ekki tæknilegri lausn eða útfærslu þess. Við viljum samt alltaf nýta alla þá möguleika sem við höfum til að tryggja sem besta niðurstöðu verkefna sem er verið að framkvæma.

Hver verður með okkur?

Baldur Hauksson, vélaverkfræðingur og leiðtogi Verkefnastofu Orku Náttúrunnar en verkefnastofan saman stendur af 10 manna teymi sem stýrir öllum stærri fjárfestingar verkefnum hjá Orku Náttúrunnar ásamt því að halda utanum verkefnaskránna fyrirtækisins.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.