"Kem aftur eftir fimm" – Fjarvinna sem virkar

Vinnufyrirkomulag á mörgum vinnustöðum hefur breyst hratt á undan undanförnum árum og eru fjarvinna og sveigjanlegt vinnufyrirkomulag nú orðin fastur hluti af menningunni á mörgum vinnustöðum.

Sumir dafna í þessu fyrirkomulagi – njóta sveigjanleikans á meðan aðrir eiga erfiðara með það, bæði starfsfólk og stjórnendur.

Til þess að fjarvinna virki þarf að huga að mörgu svo hún hafi ekki neikvæð áhrif á afköst, samskipti og líðan enda skiptir fjarvinna og sveigjanleiki miklu máli fyrir bæði einstaklinga og vinnustaði.

Hver verður með okkur?

Hildur Jóna frá HumanAtWork ehf. mun fara yfir nýlegar rannsóknir um kosti og galla fjarvinnu, algenga áhættuþætti og hagnýtar leiðir til að draga úr neikvæðum áhrifum og auka jákvæð áhrif. Hvað vinnustaðurinn getur gert, hvert er hlutverk starfsfólks/stjórnenda og hvað starfsfólk/stjórnendur geta gert til að bæta einbeitingu, samskipti og afköst.

Hver verður með okkur?
Hildur Jóna frá HumanAtWork ehf.

Hildur Jóna hefur áratugareynslu innan vinnusálfræði og byggir erindið á rannsóknum innan vinnu- og umhverfissálfræði.

Hidlur Jóna á LinkedIn

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.