Hvaða atvinnutækifæri leynast í sjávarútvegi?

Fundur haldinn í samstarfi við KIS – Konur í sjávarútvegi, Félag kvenna í sjávarútvegi.

Sjávarútvegur hefur lengi verið ein af okkar undirstöðuatvinnugreinum. Miklar breytingar hafa orðið á störfum í greininni, aukin tæki og fjölbreyttari þekkingarkröfur hafa kallað á fjölbreyttari samsetningu starfamannahópsins. Atvinnutækifærin í greininni eru því fleiri og fjölbreyttari en nokkru sinni.

Á Dokkufundinum fáum við innsýn í þau tækifæri sem leynast í sjávarútvegi og þá kannski sérstaklega fyrir konur, en núna eru um 17% starfsfólks í greininni konur.

Félag kvenna í sjávarútvegi var stofnað árið 2013 af hópi kvenna sem fann fyrir þörf á aukinni tengingu, samstarfi og eflingu kvenna í greininni. Það er markmið félagsins að gera konur sýnilegri bæði innan sjávarútvegsins og utan hans og að fá fleiri konur til liðs við okkur í sjávarútveginum.

Hverjar verða með okkur?
Margrét Kristín Pétursdóttir, formaður KIS og forstöðumaður gæðamála hjá Vísi í Grindavík – og fleiri konur frá KIS.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.