Hagfræði 101: Grunnhugtök hagfræðinnar og hvað þýða þau

Á Dokkufundinum verður gefin innsýn í grunnhugtök hagfræðinnar, sem við heyrum stöðugt í fréttum og fjölmiðlum.

Fjallað verður um hvað er hagfræði og farið verður yfir helstu hagstærðirnar á borð við verðbólgu, hagvöxt, atvinnuleysi, vexti o.fl. Skoðað verður hvernig breytingar á einni stærð hefur áhrif á aðra og hvernig það birtist okkur í daglegu lífi.

Hver verður með okkur?
Ingibjörg Erla Þórhallsdóttir, kennari við viðskiptadeild Verzlunarskóla Íslands.

Ingibjörg Erla er hagfræðingur, B.Sc., að mennt og kennir þjóðhagfræði, rekstrarhagfræði og fjármálalæsi við Verzlunarskóla Íslands en starfaði áður við lánadeild Lífeyrissjóðs verzlunarmanna.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.