Efnisstefna: Höldum okkur við efnið

Öll vöfrum við um alls konar vefi okkur til skemmtunar og gagns. Sum okkar starfa beinlínis við að skipuleggja og skrifa efni fyrir vefi og á þessum Dokkufundi ætlum við að velta fyrir okkur hvað einkennir gott efni og hvernig við höldum utan um það. Fjallað verður um hvernig fólk aflar sér upplýsinga á vef og hvernig við getum nýtt okkur þá þekkingu til að skrifa fyrir fólk til aflestrar á vefjum.

Hver verður með okkur?

Ingunn Fjóla Brynjólfsdóttir. Hún er mannfræðingur og hefur síðustu ár starfað sem efnishönnuður og ráðgjafi hjá Stefnu. Hún leggur áherslu á mannlega nálgun í tæknilegum lausnum.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.