Breytingaskeiðið – já þú last rétt, breytingaskeiðið og áhrif þess á starfsferilinn og vinnustaði

Á Dokkufundinum ætlar Halldóra að leitast við að svara eftirfarandi spurningum og af hverju þær eru mikilvægar.

1. Hvernig er talað um breytingaskeiðið á þínum vinnustað – er talað um það?
2. Hvað er breytingaskeiðið og hvernig hefur það áhrif inn á vinnustaðinn?
3. Þurfa karlmenn að vita eitthvað um þetta skeið?
4. Hvernig getur vinnustaðurinn orðið breytingaskeiðsvænn?
5. 1 af hverjum 10 konum á breytingaskeiðsaldri dettur út af vinnumarkaðnum – hvað veldur?

Hver verður með okkur?
Halldóra Skúladóttir, markþjálfi með sérhæfingu á sviði breytingaskeiðs kvenna.

Halldóra sækir sérhæfingu sína m.a. til CPHT UK – Menopause & Hypnotherapy og frá Newson Health Research and Education – Confidence in the menopause.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.