Af hverju er ekki nóg að búa til frábært ferli?

Þegar nýtt ferli er mótað eða gerðar eru endurbætur á eldra ferli er einungis hluti af vinnunni lokið. Það sem á eftir kemur reynist starfsmönnum og stjórnendum oft þrautinni þyngri.

Á Dokkufundinum fara þær Ásdís og Margrét í gegnum helstu áskoranir sem takast þarf á við þegar sjálft ferlið er tilbúið:

• Fyrsta hindrunin er vinnan sem þarf leggja í þau umbótaverkefni sem koma úr ferlavinnunni, en oft á tíðum eiga starfsmenn og stjórnendur erfitt með að finna tíma til að vinna verkefnin og þau hafa tilhneigingu til að daga uppi.
• Önnur hindrunin er innleiðingin sjálf sem snýr að því að breyta hegðun starfsmanna á þann hátt að farið sé eftir nýja ferlinu en ekki framhjá því eða eftir því gamla.
• Þriðji og síðasti þátturinn snýr svo að því hvernig við tryggjum stöðugar umbætur á bæði nýjum og núverandi ferlum innan fyrirtækisins.

Hverjar verða með okkur?
Ásdís Kristinsdóttir og Margrét Ragnarsdóttir hjá GEMBA

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.