Að finna sína leið til að bregðast við loftlagsbreytingum

Landsvirkjun hlaut á dögunum, fyrst íslenskra fyrirtækja, hæstu mögulegu einkunn fyrir frammistöðu í loftslagsmálum og gagnsæi í upplýsingagjöf frá umhverfissamtökunum CDP. Landsvirkjun komst þar með á A lista yfir fyrirtæki sem eru leiðandi í loftslagsmálum á heimsvísu. Kolefnisspor fyrirtækisins er með því lægsta sem þekkist á heimsvísu. Upplýsingar um losun vegna starfsemi fyrirtækja eru þó aðeins hluti þeirra atriða sem metin eru en stærstu þættirnir í einkunnargjöf CDP snúa að stjórnarháttum, viðskiptamódeli og vörslu fjármuna, stýringu loftslagstengdrar áhættu, loftslagstengdum markmiðum og framvindu þeirra.

Á Dokkufundinum fáum við innsýn í hvernig Landsvirkjun tekst á við áhrif loftslagsbreytinga og hvað það er sem gerir fyrirtækið leiðandi í loftslagsmálum á heimsvísu.

Hverjir verða með okkur?
Jóna Bjarnadóttir framkvæmdastjóri Samfélags og umhverfis hjá Landsvirkjun
og
Jóhanna Hlín Auðunsdóttir forstöðumaður Loftslags og grænna lausna hjá Landsvirkjun

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.