Stefnuhraðall: Stefna sem fólk skilur, og framkvæmir

• Þessi fundur var áður auglýstur 5. nóv. 2026 en vegna óvæntra aðstæðna þurfti að fresta honum.

Heimurinn hreyfist hratt og bilið milli stjórnenda og starfsfólks þegar kemur að stefnu er raunveruleg áskorun.

Aðeins þriðjungur starfsfólks veit skýrt hvert fyrirtækið þeirra stefnir. Það er ekki skortur á stefnu. Það er skortur á þátttöku.

Nútímaleg stefnumótun þarf að vera hraðari, einfaldari og með fólkinu. Í grunninn snýst hún um tvennt: hvað ætlum við að gera og með hvaða aðföngum?

Í Stefnuhraðlinum er ekki byrjað á djúpum greiningum og löngum skýrslum. Fólkið sem á að framkvæma stefnuna tekur höndum saman, greinir stöðuna sjálft og sameinast um skýr meginmarkmið sem allir standa á bak við. Ávinningurinn er stefna sem verður til hratt, gagnsæ framvinda og starfsfólk sem er virkt í vegferðinni.

Árangur er vegferð, ekki áfangastaður.

Hver verður með okkur?
Sigvaldi Egill Lárusson hjá Hugsýn.

Hann hefur víðtæka reynslu af fjármálastjórnun fyrirtækja og stofnana ásamt því að hafa á undanförnum árum starfað við ráðgjöf á sviði stefnumótunar, innleiðingar stefnu og breytingastjórnunar.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.