Viðverusamtöl án vandræða

Viðverusamtöl, fjarverusamtöl, umhyggjusamtöl.
– Mismunandi orð yfir sama samtalið sem ætlað er að grípa starfsmann og aðstoða.

Á þessum Dokkufundi verður fjallað um upplifun starfsfólks í veikindum og hvernig stjórnendur geta átt uppbyggileg samtöl um fjarvistir.

Skoðað verður hvernig hægt er að undirbúa veikindasamtöl vel, skapa skýran tilgang og markmið og eiga samtal sem styður bæði einstaklinginn og þarfir vinnustaðarins.

Áhersla verður lögð á skýrleika, virðingu og að samtalið verði leið til stuðnings og lausna fremur en upplifun af eftirliti eða ásökun.

Hver verður með okkur?
Ólafur Kári Júlíusson er eigandi Vinnuvís og vinnusálfræðingur með um 16 ára reynslu af mannauðsmálum og ráðgjöf.

Hann vinnur með stjórnendum og starfsfólki að fjölbreyttum og oft krefjandi vinnustaðamálum og hefur mikla reynslu af fræðslu, námskeiðum og erindum um stjórnun, samskipti, mannauðsmál og vinnusálfræði.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.