Líkamsvirðing, útlitsfordómar og það sem skiptir í raun og veru máli

Á þessum Dokkufundi verður farið yfir nokkrar mikilvægar spurningar sem lúta að líkamsvirðingu og útlitsfordómum:

• Hvaðan koma útlitsfordómar?
• Hvernig birtast útlitsfordómar?
• Hvað eru innri og ytri fordómar?
• Hvað eigum við að gera við BMI líkamsþyngdarstuðulinn?
• Hvað ef eitthvað eigum við að láta okkur skipta máli?

Hver verður með okkur?
Berglind Soffía Blöndal.
Hún er klínískur næringarfræðingar (MSc) og doktorsnemi í næringarfræði og starfar sem klínískur næringarfræðingur hjá Heilsuvernd og Heilsugæslunni í Urðarhvarfi, þar sem hún vinnur eftir þyngdarhlutlausum nálgunum til þess að koma fólki út úr vítahring megrunarmenningar.
Í frítíma Berglindar er hún svo í stjórn samtaka um líkamsvirðingu.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.