Jákvæð forysta, með því betra sem komið hefur fram?

“Frá því ég hóf að kenna stjórnun seint á síðustu öld hefur margt áhugavert komið fram í stjórnunarfræðum. Sérstaklega finnst mér athyglisverð nálgun Kim Cameron um jákvæða forystu sem er frekar nýleg. Þar sameinast ýmsar aðferðir sem samrýmast því sem mín eigin reynsla hefur kennt mér um hvað virkar vel og hvað síður. Þessi nálgun byggir meðal annars á dyggðum, styrkleikum, lærdómi, orðræðu, tilgangi og menningu”. (EE)

Á Dokkufundinum mun Eyþór segja okkur nánar frá hvers vegna jákvæð forysta er með því betra sem hefur komið fram á þessu sviði.

Hver verður með okkur?

Eyþór Eðvarðsson, stjórnendaþjálfari hjá Þekkingarmiðlun.

Því miður fengum við ekki leyfi til að taka fyrirlesturinn upp – en það er auðvelt að fá Eyþór til að líta við á vinnustaðnum 😊

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.