Fjórar kynslóðir á sama vinnustað? Hvað eiga þær sameiginlegt? Hvað skilur þær að?

Við fáum að heyra niðurstöður viðamikillar rannsóknar sem fyrirtækið Prósent gerði í spetember sl.

Þar svöruðu fjórar kynslóðir 54 spurningum um ýmis mál tengd lífi og starfi. En margir vinnustaðir glíma við það nú, að munurinn á milli kynslóða innan starfsmannahópa er mjög mikill, enda í fyrsta sinn á vinnumarkaði þar sem kynslóðirnar eru fjórar.

Þær kynslóðir sem um ræðir eru:

• Uppgangskynslóðin (e. baby boomers) er fólk sem fætt er á tímabilinu 1946-1964.
• Kynslóð X er fólk fætt á tímabilinu 1965 til 1979.
• Y kynslóðin (aldamótakynslóðin, e. millenials) er fólk fætt á árunum 1980 til 1994.
• Z kynslóðin (þekkt á ensku sem gen z eða zoomers) er fólk fætt á árunum 1995 til 2012.

Ásamt fjölmörgum öðrum áhugaverðum niðurstöðum, sem margar hverjar komu á óvart, kemur fram í rannsókninni að uppgangskynslóðin, eða „the baby boomers“ drekkur oftast áfengi þegar kynslóðirnar fjórar eru bornar saman en unga fólkið í Z-kynslóðinni staldrar afar stutt við á vinnustöðum.

Hver verður með okkur?
Trausti Heiðar Haraldsson, framkvæmdastjóri Prósent.

Hæfniþættir: Á Dokkufundum er fjallað um efni í samræmi við nýlegar hæfnirannsóknir, um hvaða hæfni er æskilegt í dag og talið er að verði í eftirspurn á næstu árum, hvort sem horft er til vinnu og vinnumarkaðar, eða til að dafna í samfélagi framtíðarinnar.