Um Dokkuna

Um Dokkuna

Fyrirtækið er stofnað árið 2010 af Mörthu Árnadóttur. 

Eigendaskipti urðu í upphafi árs 2026 og er nýr eigandi Herdís Pála Pálsdóttir, reyndur stjórnandi og mannauðsstjóri. 

Fyrirtækið hefur byggt upp sterka stöðu á sviði fræðslu fyrir einstaklinga og vinnustaði.  

Hvernig virkar Dokkan?

Einstaklingar og vinnustaðir geta keypt aðild að Dokkunni, til árs í senn.

Innifalið í aðild er aðgangur að öllum Dokkufundum. 

Dokkufundir eru haldnir að meðaltali tvisvar í viku yfir vetrartímann og eru þeir í rauntíma á netinu, s.s. ekki upptaka, en hægt að nálgast upptöku eftir á fyrir þá Dokkufélaga sem misstu af fundinum.

Markmið allra fundanna er að efla hæfni þátttakenda, fyrir vinnumarkað framtíðarinnar og samfélag framtíðarinnar.

Val á efnistökum er fjölbreytt en tekur alltaf mið af ofangreindu markmiði og er þar m.a. horft til þeirra hæfniþátta sem rannsóknir sýna að verði í mestri eftirspurn á næstu 5 árum.

Standi Dokkan fyrir námskeiðum, til að fara dýpra í efni einhverra Dokkufunda, fá Dokkufélagar afslátt af verði þeirra námskeiða.

Hlutverk Dokkunnar

Dokkan hefur það hlutverk að styðja við vinnustaði og einstaklinga þegar kemur að endur- og símenntun, að tryggja að vinnustaðir og einstaklingar hafi þá hæfni sem þarf fyrir vinnumarkað framtíðarinnar, sem og til að dafna í framtíðarsamfélagi.