Um Dokkuna

Hvað er Dokkan?

Dokkan er þekkingar- og tengslanet stjórnenda og lykilstarfsmanna, sem vilja miðla sín á milli þekkingu og lausnum á viðfangsefnum sem öll tengjast stjórnun og rekstri fyrirtækja á einn eða annan hátt. Lífið á vinnustaðnum er okkur einnig afar hugleikið og viljum við taka virkan þátt í samtalinu um heilsu og hamingju starfsfólks í öllum atvinnugreinum.

 

Hvað eru Dokkufundir?

Dokkufundir eru fræðslu- og tengslafundir Dokkunnar. Á hverjum fundi fáum við sérfræðinga og reynslubolta til að miðla þekkingu og reynslu á sínu fagsviði.

Á Dokkufundunum eru fyrirlestrar og umræður um allt sem snýr að stjórnun og rekstri ásamt lífinu á vinnustaðnum. Dokkufundirnir eru þannig mikilvægur vettvangur verðmætrar tengslamyndunar meðal fagfólks á öllum sviðum – og þvert á fagvið einnig. Dokkufundirnir eru langoftast haldnir í fyrirtækjum og stofnunum, sem hafa verið gestrisin með eindæmum – Dokkufundir geta orðið allt að 80 yfir vetrartímann. 

Hvernig virkar Dokkan?

Fyrirtæki og stofnanir gerast áskrifendur að þekkingar- og tengslaneti Dokkunnar. Innifalið í þeirri áskrift er aðgangur að öllum Dokkufundum, sem eru þekkingar- og tengslafundir Dokkunnar, fyrir alla starfsmenn þeim að kostnaðarlausu auk einstakra kjara þegar kemur að námskeiðum, vinnustofum og ráðstefnum. Kannanir hafa sýnt að aðild fyrirtækis að Dokkunni hefur góð áhrif á starfsánægju og upplifun starfsmanna á hvatningu.

 

Fyrirtækin í Dokkunni

Um leið og vinnustaðurinn þinn er orðinn aðili að Dokkunni hefur þú fullan aðgang að öllum Dokkufundum þér að kostnaðarlausu. Dokkan höfðar svo sannarlega til þeirra sem bera hitann og þungann af skipulagi og framkvæmd lykilverkefna í rekstri og menningu fyrirtækisins. Í dag eru á þriðja hundrað fyrirtækja af öllum stærðum og gerðum og úr öllum atvinnugreinum með okkur í Dokkunni. Allt eru þetta fyrirtæki sem hugsa lengra og gera sér vel grein fyrir mikilvægi þekkingar og verðmætra tengsla innan fyrirtækjaumhverfisins. Er vinnustaðurinn þinn í Dokkunni? 

BEZTA

BEZTA er námskeiðslína Dokkunnar. Þar tökum við það BEZTA frá Dokkufundunum og bjóðum upp á frekari fræðslu og þjálfun á viðkomandi sviði. BEZTA er „lean learning“ og flest námskeiðin eru þriggja til fjögurra klukkustunda snarpar lærdómseiningar. Hugmyndin að baki BEZTA er meðal annars sótt í Agile hugmyndafræðina, en það þýðir að öll BEZTA námskeið eru stutt og kröftug og skila þekkingu og hagnýtum aðferðum strax til þeirra sem námskeiðin sækja.

FÓKUZ

Í FÓKUZ er það dýptin sem skiptirmáli en FÓKUZ stendur fyrir ráðstefnur og lengri vinnustofur Dokkunnar. Í vinnustofunum er lögð áhersla á persónulega færni sem gerir þátttakendur verðmætari og tilbúnari til að takast á við verkefnin á vinnustaðnum. Ráðstefnurnar fjalla um áhugaverð málefni sem brenna á fyrirtækjum og atvinnulífinu öllu hverju sinni. Póstlisti Dokkunnar er lykiluppspretta frétta af námskeiðum og ráðstefnum á vegum Dokkunnar. Ekki missa af neinu. Skráðu þig á póstlistann okkar hér.

Loforð Dokkunnar

Við leggjum alla okkar athygli og krafta í að opna stjórnendum og lykilstarfsfólki metnaðarfullra fyrirtækja aðgang að verðmætum upplýsingum og tengslum. Við lofum markvissri þekkingu, alvöru framsögufólki, skýrum fókus og áreiðanlegu framboði.

 Einfaldleiki

Í Dokkunni leggjum við áherslu á einfaldleikann. Kjarnastarfssemin okkar er skýr, öll umgjörð einföld. Stafræn vegferð er í gagni og öll ferli hafa verið einfölduð og aðlöguð með viðskiptavini okkar í huga.