Tilfinningagreint teymi
– sameiginleg ábyrgð á trausti, vellíðan og árangri. 

Af hverju þetta námskeið?

Þó að einstaklingar beri ábyrgð á eigin hegðun, mótast árangur vinnustaða fyrst og fremst af því hvernig fólk vinnur saman. Tilfinningagreind í teymum snýst um sameiginlega meðvitund, samskiptamynstur og óskrifaðar reglur sem hafa áhrif á traust, sálrænt öryggi og samvinnu.

Teymi í dag þurfa að geta tekist á við álag, ólíkar skoðanir, kynslóðabil og krefjandi samtöl – án þess að tengsl rofni eða samstarf veikist. Tilfinningagreint teymi er ekki háð formlegu
valdi eða titlum, heldur byggir á sameiginlegri ábyrgð allra þátttakenda á samskiptum og líðan hópsins.

Þetta námskeið byggir á hugmyndafræði The Emotionally Intelligent Team og leggur áherslu á að þróa teymi sem:

• tala opinskátt og af virðingu,
• takast á við ágreining á uppbyggilegan hátt,
• og sýna seiglu í sameiginlegum áskorunum.

Námskeiðið getur staðið eitt og sér, en hentar einnig vel sem framhald af Tilfinningagreind
stjórnandans, þar sem áherslan færist frá einstaklingnum yfir á teymið í heild.

Markmið námskeiðsins:

Að námskeiði loknu hafa þátttakendur:

• Aukna meðvitund um hvernig hegðun og viðbrögð hvers og eins hafa áhrif á teymið
• Sameiginlegt tungumál til að ræða líðan, ábyrgð og samstarf
• Færni til að taka þátt í erfiðum samtölum án þess að traust rofni
• Betri skilning á samskiptamynstrum og tilfinningalegu loftslagi teymisins
• Verkfæri til að styðja við sálrænt öryggi, vellíðan og seiglu hópsins

Verð