- This event has passed.
Umbótaleiðtogar Samskipa
3. nóvember 2020 @ 08:30 - 09:15
Á Dokkufundinum verður farið stuttlega yfir hvernig Samskip hafa nýtt sér stöðugar umbætur til að ná meiri árangri en aðal áherslan verður á þjálfunarprógram sem verið er að keyra innan fyrirtækisins: „Umbótaleiðtogar Samskipa“.
Hver?
Aðalheiður María Vigfúsdóttir, sérfræðingur í umbótum í rekstri
Aðalheiður er hugmyndarík og metnaðargjörn keppnismanneskja með ástríðu fyrir nýsköpun, stafrænni þróun og stöðugum umbótum og þá sérstaklega hvernig mismunandi stefnur og stjórnendastílar hafa áhrif á þessa þætti. Aðalheiður María starfar nú sem sérfræðingur í umbótum í rekstri hjá Samskipum en starfaði áður sem framleiðslustjóri hjá Marel og ferilseigandi hjá Össur. Í störfum sínum hefur hún komið sér upp þeim góða ávana að vera sífellt að greina núverandi stöðu og leita uppi tækifæri til að gera betur en hennar helsti styrkileiki er hæfni hennar til að vekja áhuga annarra á stöðugum umbótum og að deila af reynslu sinni.
Misstir þú af fundinum?
Skráðu þig á Dokkufundinn á hefðbundinn hátt og þú færð sendan tengil á upptöku frá fundinum.
Mikilvægt: Ef þú hefur áður skráð þig á fundinn þá þarftu að afskrá þig af fundinum – en það er einfalt – þú smellir á „Skrá mig af þessum fundi“ hér fyrir neðan skráningarformið og skráir þig svo aftur – þá færðu staðfestingarpóst með tengli á upptökuna.