Hjálparhellan: Fræðslumenning sem byggir á seiglu, samábyrgð og gróskuhugarfari
BM Vallá var valið Menntafyrirtæki ársins 2026 á Menntadegi atvinnulífsins fyrir framúrskarandi starf í fræðslu- og menntamálum.
Á þessum Dokkufundi verður farið yfir helstu áherslur og ávinning fræðslustarfsins hjá þeim.
Sérstök áhersla verður á mælikvarða, velsældarhagkerfi, inngildingu og Hjálparhellu BM Vallár—samfélagssjóð sem styður áhrifarík verkefni sem skapa jákvæðar samfélagsbreytingar, og er jafnframt nýtt innan fyrirtækisins til að efla samábyrgð og styrkja starfsfólk í að vera „hjálparhellur“ í eigin lífi.
Kynnt verða hagnýt verkfæri úr jákvæðri sálfræði og 10 hamingjulykla sem styðja við stefnu, menningu og árangur fyrirtækisins við að byggja vistvænni framtíð.
Hver verður með okkur
Helga Fjóla Sæmundsdóttir, framkvæmdastjóri mannauðssviðs Hornsteins, en hún er reynslubolti á sviði mannauðs- og fræðslumála.
Hæfniþættir
Á Dokkufundum er lagt upp með að efla hæfni þátttakenda, til að viðhalda og auka atvinnuhæfni þeirra – og sem styðja þátttakendur almennt við að dafna á vinnumarkaði framtíðarinnar og í samfélagi framtíðarinnar.
Á fundunum tengjum við ýmist við þá hæfniþætti sem WEF (World Economic Forum) hefur sagt að verði í mestri eftirspurn til næstu ára
eða þá hæfniþætti sem McKinsey hefur sagt að við þurfum á að halda til að dafna á vinnumarkaði framtíðarinnar og í samfélagi framtíðarinnar.
Á þessum fundi fá þátttakendur fróðleik sem tengist eftirfarandi hæfniþáttum:
- Sjálfsefling og -áhrif
- Stjórnunarhæfni
- Vitræn hæfni
- Sjálfsforysta
Hvar verðum við
Á vefnum – í Teams