Systurnar Skjaldborg og Póstbók Af nýjungum í skjalastjórn og gæðastjórn hjá Póstinum Ásdís og Selma eru báðar nokkuð nýjar í starfi hjá Póstinum en hjörtu þeirra eru þegar byrjuð að slá í takt við Pósthjartað svokallaða. Fyrsta verk Ásdísar þegar hún mætti til starfa vorið 2020 var að kortleggja stöðuna í skjalamálum hjá Póstinum og í kjölfarið velja, hanna og innleiða nýtt skjalakerfi, Skjaldborg. Þegar Selma hóf störf í mars sl. tók hún til við sams konar innleiðingu á nýrri gæðahandbók, Póstbókinni. Nýtt verkfæri kallar á nýja hugsun og eru ferlar í fyrirrúmi í gæðahandbókinni, en Pósturinn hefur lengi haft vottað gæðakerfi. Þær stöllur ætla að segja frá því hvað þær hafa lært hjá Póstinum, hverju þær hafa áorkað og hvaða áskoranir blasa við.

Hverjir verða með okkur?

Selma Grétarsdóttir, gæðastjóri Póstsins

Ásdís Káradóttir, skjalastjóri Póstsins

Misstir þú af fundinum?

Skráðu þig á Dokkufundinn á hefðbundinn hátt og þú færð sendan tengil á upptöku frá fundinum.
Mikilvægt: Ef þú hefur áður skráð þig á fundinn þá þarftu að afskrá þig af fundinum – en það er einfalt – þú smellir á „Skrá mig af þessum fundi“ hér fyrir neðan skráningarformið og skráir þig svo aftur – þá færðu staðfestingarpóst með tengli á upptökuna“.
ATH: þú þarft kannski að gera Refresh á síðun á milli.