Af hverju þetta námskeið?
Það er mjög mikilvægt, hafi maður tekið að sér að vera með mannaforráð, að gera það eins og best verður á kosið – fyrir þig, þitt fólk og árangur vinnustaðarins.
Það er líka oft sagt að helsta ástæða þess að fólk hættir á vinnustað sé samband við næsta yfirmann og því mikilvægt að vel takist til.
Góð stjórnun eykur frammistöðu, virkni og starfsánægju, dregur úr starfsmannaveltu – og eykur almennt vellíðan og árangur allra.
Dæmi um umsagnir frá fyrri þátttakendum:
- “Námskeiðið var mjög gott” – Elías Guðmundsson, forstöðumaður, Krýsuvík
- “Takk fyrir námskeiðið. Þetta var bara heilt yfir mjög flott hjá þér. Gott balance sem hentar breiðum hópi. Maður vill stundum fá smá inspiration og motivation inn í daginn og þetta gerði það. Góðar samræður og þú uppfull af reynslu og fróðleik.” – Ívar Örn Arnarsson, Össur
Markmið námskeiðsins
Að námskeiði loknu hafa þátttakendur:
- Öðlast betri skilning á mikilvægi starfsgreiningar og tengsl hennar og undirstöðu fyrir marga aðra þætti mannauðsstjórnunar
- Lært hagnýtar og fjölbreyttar aðferðir við ráðningar
- Lært um mikilvægi góðar nýliðamóttöku (e. onboarding)
- Lært um skilvirkar aðferðir frammistöðustjórnunar
- Áttað sig betur á mikilvægi stöðugrar sí- og endurmenntunar og almennrar starfsþróunar
- Fengið betri skilning á hvatningu og umbun
- Lært betur um hvað þarf helst að hafa í huga og passa upp á þegar kemur að starfslokum starfsfólks
- Fengið innsýn inn í allt hitt, varðandi það að hafa mannaforráð, allt það persónubundna og mannlega sem getur komið upp
Fyrir hverja?
- Millistjórnendur
- Teymisstjóra
- Verkstjóra
- Vaktstjóra
- Verkefnastjóra
- Almenna stjórnendur með mannaforráð