- Ath. Snemmskráningarverð til og með 25. september – þá fæst aukalegur 10% afsláttur af uppgefnum verðum.
Tilfinningagreind sem styrkir þig í stjórnendahlutverkinu.
Bestu stjórnendurnir hafa ekki alltaf svörin. En þeir kunna að halda ró, lesa aðstæður og velja hvernig þeir bregðast við.
Tilfinningagreind er ein af lykilhæfnunum í nútímaforystu. Hún hjálpar stjórnendum að skilja betur eigin áhrif, lesa það sem er að gerast í samskiptum og skapa það öryggi og þann skýrleika sem fólk þarf til að geta staðið sig vel.
Á þessu námskeiði vinnum við með tilfinningagreind sem hagnýtt leiðtogaverkfæri – ekki sem fræðilegt hugtak.
Við skoðum hvernig stjórnendur geta:
- verið meðvitaðri um eigin áhrif og viðbrögð,
- haldið ró og yfirvegun þegar mikið gengur á,
- lesið betur í þarfir, hegðun og líðan starfsfólks,
- átt skýr og uppbyggileg samtöl,
- brugðist vel við sterkum tilfinningum – bæði eigin og annarra,
- og skapað traust, tengingu og ábyrgð í teyminu.
Við kynnumst jafnframt þremur sterkum tilfinningum sem gjarnan láta á sér kræla þegar álag eða breytingar aukast – kvíða, sorg og reiði – og skoðum hvernig stjórnandinn getur mætt þeim af skilningi án þess að þær taki yfir stjórnina.
Markmið námskeiðsins
Að námskeiði loknu hafa þátttakendur:
- aukna sjálfsvitund, skýrari sýn á eigin áhrif og hagnýt verkfæri til að leiða fólk af meiri ró, festu og mannlegum skilningi.
- Markmiðið er ekki að losna við erfiðar tilfinningar. Markmiðið er að geta leitt vel þrátt fyrir þær.
Fyrir hverja?
- Stjórnendur
- Millistjórnendur
- Teymisstjóra
- Aðra sem vilja verða öruggari og áhrifameiri í leiðtogahlutverkinu.
Leiðbeinandi
Guðrún Snorradóttir
Guðrún Snorradóttir, stjórnendaþjálfi, hefur víðtæka reynslu af því að nota verkfæri markþjálfunar og jákvæðrar sálfræði, bæði hér heima og erlendis.
Hún er með MSc í hagnýtingu jákvæðrar sálfræði frá Anglia Ruskin háskólanum í Cambridge auk þess að vera vottaður PCC stjórnendamarkþjálfi frá International Coaching Federation.
Sérsvið Guðrúnar er þjálfun á færni leiðtoga til framtíðar. Má þar nefna þrautseigju, tilfinningagreind, nýtingu styrkleika, leiðir til að skapa aukið traust og sálrænt öryggi, ásamt nýtingu markþjálfunar í margvíslegum samtölum við starfsmenn og viðskiptavini.