Tilfinningagreind stjórnandans
– lykill að áhrifaríkri og mannlegri forystu. 

Af hverju þetta námskeið?

Forysta snýst ekki eingöngu um stefnu, ákvarðanir og árangur – hún snýst ekki síður um sjálfsvitund, samskipti og tilfinningaleg áhrif. Tilfinningagreind er ein mikilvægasta hæfni stjórnenda í nútíma starfsumhverfi og hefur bein áhrif á traust, samskipti og frammistöðu teyma.

Stjórnendur standa í dag frammi fyrir flóknum áskorunum: ólíkum kynslóðum með mismunandi væntingar, auknu andlegu álagi í teymum og hraðari breytingum sem að hafa
áhrif á hegðun og líðan starfsmanna. Í slíkum aðstæðum skiptir máli að geta lesið í aðstæður, brugðist við af yfirvegun og skapað öryggi og skýrleika.

Á þessu námskeiði er unnið með tilfinningagreind stjórnandans sem persónulega og faglega grunnfærni. Þátttakendur efla sjálfsvitund, læra að vinna með eigin tilfinningar og skilja betur hvernig nærvera þeirra, viðbrögð og ákvarðanir hafa áhrif á aðra.

Námskeiðið leggur grunninn að meðvitaðri forystu og skapar sterkan undirstöðuþátt fyrir
áframhaldandi þróun í teymisvinnu og samstarfi.

Markmið námskeiðsins:

Að námskeiði loknu hafa þátttakendur:

• Aukna sjálfsvitund og skilning á eigin áhrifum í leiðtogahlutverki
• Betri hæfni til að takast á við krefjandi aðstæður og tilfinningalegt álag
• Færni til að lesa í hegðun, líðan og þarfir starfsmanna
• Verkfæri til að brúa kynslóðabil og vinna með ólíkar væntingar
• Aukið öryggi í að leiða fólk af mannúð og skýrleika

Verð