Tilfinningagreind í starfi
Tilfinningagreind er einn mikilvægasti hæfileiki starfsfólks í síbreytilegu vinnuumhverfi. Hún mótar hvernig við eigum samskipti, tökum ákvarðanir, bregðumst við álagi og vinnum saman með ólíku fólki.
World Economic Forum hefur skilgreint tilfinningagreind sem einn af lykilhæfileikum framtíðarinnar – hæfileika sem verður sífellt mikilvægari eftir því sem tæknivæðing og gervigreind taka stærra hlutverk í störfum okkar.
Í þessari 30 mínútna kynningu er fjallað um hvað tilfinningagreind er, hvers vegna hún skiptir alla starfsmenn máli og hvernig hún einn af þeim mannlegu hæfileikum sem greinir okkur frá gervigreind: hæfnin til að skilja tilfinningar, lesa aðstæður, sýna samkennd og taka ábyrgð á eigin áhrifum.
Áhersla er lögð á skýra, aðgengilega framsetningu og raunveruleg dæmi úr daglegu starfi sem sýna hvernig tilfinningagreind birtist í samskiptum, samstarfi og viðbrögðum í krefjandi aðstæðum.
Hver verður með okkur?
Guðrún Snorradóttir, hún hefur víðtæka reynslu af því að vinna með stjórnendum, teymum og starfsfólki að því að efla tilfinningagreind, samskipti og seiglu á vinnustöðum.
Hún er sérfræðingur í mannlegri færni sem skiptir sífellt meira máli í framtíð vinnunnar.
Guðrún er með diplómu í tilfinningagreind frá The Langley Group og hefur réttindi til að starfa sem sérfræðingur á því sviði.
Hún er þekkt fyrir skýra og aðgengilega framsetningu þar sem fræðileg þekking er tengd raunverulegum aðstæðum í daglegu starfi.
Hæfniþættir
Á Dokkufundum er lagt upp með að efla hæfni þátttakenda, til að viðhalda og auka atvinnuhæfni þeirra – og sem styðja þátttakendur almennt við að dafna á vinnumarkaði framtíðarinnar og í samfélagi framtíðarinnar.
Á fundunum tengjum við ýmist við þá hæfniþætti sem WEF (World Economic Forum) hefur sagt að verði í mestri eftirspurn til næstu ára
eða þá hæfniþætti sem McKinsey hefur sagt að við þurfum á að halda til að dafna á vinnumarkaði framtíðarinnar og í samfélagi framtíðarinnar.
Á þessum fundi fá þátttakendur fróðleik sem tengist eftirfarandi hæfniþáttum:
Hvar verðum við
Á vefnum – í Teams