Sköpunargleði er talin vera einn mikilvægasti eiginleiki nútímans. Sköpunargleðin getur styrkt okkur í starfi og lífi með því að hjálpa okkur að leysa vandamál, skapa ný tækifæri og verða samkeppnishæfari þar sem þetta er eftirsóttur eiginleiki. Einnig getur sköpunargleðin bætt heilsu okkar því rannsóknir benda til þess hún geti aukið jákvæðar tilfinningar, dregið úr þunglyndi, minnkað streitu og kvíða og jafnvel styrkt ónæmiskerfið okkar.

Nú til dags er mikið álag á fólki og miklar kröfur og það sem getur hjálpað fólki að endurhlaða sig og að halda sterk áfram er sköpunargleðin. Hún hefur þann einstaka eiginleika að geta gefið okkur kraft og orku því hún gefur möguleika á árangri og samkeppnisforskoti.

Sem betur fer er hægt að þjálfa og auka sköpunargleðina okkar og Birna Dröfn mun deila með ykkur hvernig þið getið gert það.

Birna Dröfn Birgisdóttir, doktorsnemi við HR

Birna hefur rannsakað þjónandi forystu og sköpunargleði í doktorsnámi sínu við Háskólann í Reykjavík. Hún er viðskiptafræðingur með meistaragráðu í alþjóðaviðskiptum frá Griffith University í Ástralíu. Einnig er hún stjórnendamarkþjálfi, hefur lært NLP (Neuro-linguistic programming) og mannauðsstjórnun og hefur meðal annars starfað við stjórnun og kennslu.