Verkefni Rannís eru mjög fjölbreytt og á undanförnum árum hefur starfsemi Rannís vaxið og mannauður eflst.

Rannís hefur umsjón með helstu samkeppnissjóðum á sviði rannsókna og nýsköpunar, menntunar og menningar á Íslandi, auk samstarfáætlana ESB og norrænna áætlana sem veita styrki til samstarfsverkefna, náms og þjálfunar.

Í ljósi þessa er sjálfsagt að spyrja: Fyrir hverja er þjónusta Rannís og hvað er í boði, hvaða tækifæri bjóðast með þeim sjóðum og áætlunum sem Rannís hefur umsjón með?

Á þessum Dokkufundi fáum við innsýn í starfsemi Rannís, hver þjónustan er og hvaða tækifæri eru til stuðnings fyrir einstaklinga, hópa, skóla, fyrirtæki, stofnanir og samtök innan sem utan landssteinanna.

Hver verður með okkur?

Davíð Fjölnir Ármannsson, kynningarfulltrúi Rannís

Misstir þú af fundinum eða viltu rifja upp?

Skráðu þig á Dokkufundinn á hefðbundinn hátt og þú færð sendan tengil á upptöku frá fundinum.
Mikilvægt: Ef þú hefur áður skráð þig á fundinn þá þarftu að afskrá þig af fundinum – en það er einfalt – þú smellir á „Skrá mig af þessum fundi“ hér fyrir neðan skráningarformið og skráir þig svo aftur – þá færðu staðfestingarpóst með tengli á upptökuna“.
ATH: þú þarft kannski að gera Refresh á síðuna á milli.