- This event has passed.
Notkun spunagreindar (GenAI) – úr tilviljanakenndu spjalli í löggeng, prófuð og endurskoðanleg verkflæði.
Á þessum Dokkufundi fáum við að heyra um innleiðingu gervigreindarlausna, t.a.m hjá Abler og hvernig fyrirlesari dagsins, Jóhann Haukur, leggur áherslu á uppbyggingu kerfa, þar sem gervigreind lýtur ströngum prófunum og gæðaeftirliti með sjálfbætandi endurgjöf. Hann nýtir aðferðafræði sem breytir notkun spunagreindar (GenAI) úr tilviljanakenndu spjalli í löggeng, prófuð og endurskoðanleg verkflæði.
Markmið hans er að gera niðurstöður gervigreindar rekjanlegar og öruggar, þannig að verðmæt þekking varðveitist og vaxi í stað þess að glatast í spjallþráðum.
Hver verður með okkur?
Jóhann Haukur Gunnarsson, kerfisarkitekt og höfundur Architects of Intent.
Jóhann vinnur á mótum tækni og stjórnunar, með áherslu á hagnýta gervigreind.
Jóhann býr að víðtækri reynslu úr tæknigeiranum, hefur yfir tveggja áratuga reynslu af hönnun flókinna kerfa í kröfuhörðu umhverfi, svo sem í fjármálatækni, þar sem ekkert má út af bregða.
Hann hefur starfað hjá leiðandi fyrirtækjum á borð við Ripple, CCP, Meniga og Wuxi NextCode.
Hæfniþættir
Á Dokkufundum er lagt upp með að efla hæfni þátttakenda, til að viðhalda og auka atvinnuhæfni þeirra – og sem styðja þátttakendur almennt við að dafna á vinnumarkaði framtíðarinnar og í samfélagi framtíðarinnar.
Á fundunum tengjum við ýmist við þá hæfniþætti sem WEF (World Economic Forum) hefur sagt að verði í mestri eftirspurn til næstu ára
eða þá hæfniþætti sem McKinsey hefur sagt að við þurfum á að halda til að dafna á vinnumarkaði framtíðarinnar og í samfélagi framtíðarinnar.
Á þessum fundi fá þátttakendur fróðleik sem tengist
Misstir þú af fundinum eða viltu rifja upp?
Skráðu þig á Dokkufundinn á hefðbundinn hátt og þú færð sendan tengil á upptöku frá fundinum. Allir sem eru skráðir á Dokkufundinn áður en honum lýkur fá sjálfkrafa senda upptökuna í tölvupósti.
Mikilvægt: Ef þú hefur áður skráð þig á fundinn en finnur ekki upptökuna í tölvupóstinum þínum, þarftu að afskrá þig af fundinum – en það er einfalt – þú smellir á „Skrá mig af þessum fundi“ hér fyrir neðan skráningarformið og skráir þig svo aftur – þá færðu staðfestingarpóst með tengli á upptökuna“.
ATH: þú þarft kannski að gera Refresh á síðuna á milli.