- This event has passed.
Bolabítur á buxnaskálm: “Þá kom nánast undantekningarlaust læknisvottorð sem dugði út uppsagnafrestinn”
Hann hefur verið kallaður Bolabítur á buxnaskálm og á þessum Dokkufundi mun hann nálgast efnið út frá sjónarhorni lögmanns vinnuveitanda – en á málinu eru auðvitað fleiri hliðar.
Ástæða þess að Gunnar fór að skoða þetta var sú að upp kom sú staða á starfsstöð VHE á Reyðarfirði, að ef starfsmanni var sagt upp eða hann sagði sjálfur upp, þá kom nánast undantekningarlaust læknisvottorð sem dugði út uppsagnafrestinn. Sem sagt starfsmaðurinn þurfti ekki að vinna uppsagnarfrestinn og gat þess í stað farið í launað veikindaleyfi.
Þar sem kostnaður vegna veikindagreiðslna er þegar mjög hár, hugleiddi Gunnar að það væri varla á það bætandi ef grunsemdir vakna um að veikindarétturinn sé misnotaður – er eitthvað til í því og hvað er þá til ráða?
Gunnar mun byggja á erindi sem hann hélt á Læknadögum í byrjun árs 2024, sem og þeim greinum sem hann hefur skrifað um þessi mál. Þar bendir hann m.a. á að allir sem að þessum málum koma hafa sitt sjónarhorn og hann spyr hvort það sé ekki að verða tímabært að löggjafinn taki þessi mál aftur til nánari skoðunar.
Hver verður með okkur?
Gunnar Ármannsson, Bolabítur á buxnaskálm, lögmaður og sviðsstjóri rekstrarsviðs VHE vélaverkstæðis
Misstir þú af fundinum eða viltu rifja upp?
Skráðu þig á Dokkufundinn á hefðbundinn hátt og þú færð sendan tengil á upptöku frá fundinum. Allir sem eru skráðir á Dokkufundinn áður en honum lýkur fá sjálfkrafa senda upptökuna í tölvupósti.
Mikilvægt: Ef þú hefur áður skráð þig á fundinn en finnur ekki upptökuna í tölvupóstinum þínum, þarftu að afskrá þig af fundinum – en það er einfalt – þú smellir á „Skrá mig af þessum fundi“ hér fyrir neðan skráningarformið og skráir þig svo aftur – þá færðu staðfestingarpóst með tengli á upptökuna“.
ATH: þú þarft kannski að gera Refresh á síðuna á milli.