fbpx

Microsoft Excel. Skilvirk gagnagreining með Pivot töflum

Þú lærir:
Að búa til Pivot töflur og hvernig hægt er að nota þær við gagnagreiningu í Excel. 

 

Námskeiðið er fyrir:

Alla þá sem vilja nota Excel á skilvirkari hátt til að ná fram verðmætum upplýsingum fyrir reksturinn og nota tímann sinn betur.

Leiðbeinandi

Guðlaug Erna Karlsdóttir er verkefnastjóri í Háskóla Íslands. Hún er viðskiptafræðingur frá HR og með Meistaragráðu í fjármálum og alþjóðaviðskiptum frá Háskólanum í Árósum. Guðlaug hefur um árabil notað Excel við vinnu sína sem viðskiptafræðingur og búið til hin ýmsu verkfæri og skýrslur til eigin nota sem og fyrir aðra.

Guðlaug heldur úti heimasíðunni www.fruexcel.is

Hvenær?

14. janúar 2022

Staðsetning auglýst síðar.

Af hverju þetta námskeið

Í öllum þeim gögnum sem finnast í nútíma fyrirtækjum leynast dýrmætar upplýsingar sem geta auðveldað stjórnendum að taka upplýstar ákvarðanir. En til þess að geta tekið upplýstar ákvarðanir þarf að vera til staðar þekking til að vinna gögnin. Pivot töflur eru að margra mati eitt öflugasta verkfæri í Microsoft Excel þar sem auðvelt er að búa til og breyta með nokkrum músarklikkum ýtarlegar og vel uppsettar skýrslur. Að kunna að gera Pivot töflur hjálpar þér að umbreyta gögnum í upplýsingar á mun skemmri tíma en áður og kannski í leiðinni að styrkja þig í sessi sem verðmætan starfsmann með gagnlega kunnáttu. 

Mynd af manni

Um námskeiðið

Námskeiðið er stutt og hagnýtt þar sem farið verður í gegnum eftirfarandi þætti:

  • Hvað er Pivot tafla og hvað gerir Pivot töflu að eins góðu verkfæri og raun ber vitni
  • Hverju þarf að huga að varðandi uppsetningu á gögnum fyrir Pivot töflur
  • Hvernig hægt er að nota skilyrta liti og letur (conditional formatting)
  • Hvað er sía og sneiðari (filter og slicer) og hvernig hægt er að tengja saman margar töflur
  • Hvernig hægt er að nota Pivot gröf til þess að setja gögn fram á myndrænan hátt

Unnið verður með hagnýtar æfingar og raunveruleg verkefni.

Markmið námskeiðsins

Þátttakendur læri að búa til og nota Pivot töflur og geti nýtt sér þessa þekkingu í starfi sínu strax að loknu námskeiði.

Verð

Almennt verð er kr. 46.000 EN fyrir starfsmenn aðildarfyrirtækja Dokkunnar kr. 36.000 – OG – ef keypt eru 2 sæti eða fleiri er veittur sérstakur 10% afsláttur og er verðið þá kr. 32.400 fyrir hvert sæti til starfsmanna aðildarfyrirtæka og kr. 41.600 til annarra.

Hvar?

Í beinni á Teams  – þú færð sendan tengil á námskeiðið ca. 30 mín. áður en það hefst.
Til að fá örugglega sendan tengil er best að skrá sig á námskeiðið í síðasta lagi einni klukkustund áður en það hefst.

 

Nokkrar umsagnir um námskeiðið

  • Gargandi snilld! Það opnaðist nýr heimur fyrir mér!
  • Besta excel námskeið sem ég hef farið á.
  • Námskeiðið var kennt af fagmennsku, og kenndi mér margt sem ég mun nýta mér þegar kemur að því að sía þær upplýsingar sem ég þarf út úr gögnum.
  • Mjög flott námskeið sem stóðst allar væntingar. Verkefnin raunhæf.
  • Verkefnin voru virkilega vel upp sett og gagnleg.
  • Stutt og laggott. Gott námskeiðsefni sem nýtist síðar.
  • Þetta kenndi mér helling af nýjum möguleikum í Pivot töflum. Bíð eftir framhaldi af þessu.
  • Ég hef hingað til notað pivot á takmarkaðan hátt!
  • Guðlaug hafði einlægan áhuga á viðfangsefninu og sýndi ástríðu við að koma efninu til skila.